කථා දෙකක් නෑ ටෙලිෆෝන් එක මාර වටිනා කියන ගැජට් එකක්. ඕකෙන් වැඩිපුරම කරන්නේ ‘මල් කඩන’ එක වුණත් ඒ පාට් එක අමතක කලොත් අපේ ජීව්තවල සෑහෙන කරදර ගොඩක් නවත්තගන්න සැලකිය යුතු හෙල්ප් එකක් දෙනවා. කොටින්ම මොබයිල් ෆෝන් එකයි ක්‍රෙඩිට් කාඩ් එකයි දෙකම ඒඩ්ස් වගේ. හැදෙනකම් සෑහෙන ෆන්. හැදුනාම සේරම හබස්. දැනගෙන පාවිච්චි කරන එක තමා නුවණට හුරු.
ටික කාලෙකට ඉස්සර දන්න කියන කෙනෙක් පාන්දර එක හමාරට දෙකට විතර කෝල් කළා. එයා උන්නෙ සෑහෙන්න කළබලෙන්. දඩි බිඩියෙ මගෙන් ඇහුවෙ CEB එකේ නොම්මරය. ඒ මහ පාන්දර නින්දේ සැපම නින්ද ගෙවාගෙන යන පැයේදි කෝල් කරල ටෙලිෆෝන් නම්බර අහන එකාට අමතන්න වෙන්නේ මොන භාෂාවෙන්ද කියල ආයෙ කියන්න දෙයක් නෑනේ. හොඳ වෙලාවට මගෙ ළඟ ඒ අහපු නම්බරය තිබුනෙ නෑ. ඒත් CEB එකේ හදිසි ඇමතුම් අංශයේ නම්බරය දීල ඕන එකක් අහගන්න කියනවාත් එක්කම එයා කට් කළා. මං ආත බූත වෙලා නිදාගන්න හදද්දි මෙන්න ආයෙම එනව අරයගෙන් කෝල් එක. ‘ඔයාට පින් අනේ. අපේ මීටරේ ගිනි ගත්තා. ගේ ඇවිලෙන්න ඔන්න මෙන්න. හුඟ දෙනෙකුට කථා කළා. ආන්සර් කළේ නෑ. අනෙක් සේරමලගෙ ෆෝන් ඕෆ්. හිත හිත උන්නේ නැහැ ඔයාගෙ නම්බරය ගත්තේ ඒකයි. සමාවෙන්න කරදරදර කළාට’ බ්ලා බ්ලා බ්ලා**********
බහුතරයක් අයගේ ජංගමයෝ රෑට ඕෆ්. නැත්තම් සයිලන්ට් මූඩ් දමනවා. වැඩේ තියෙන්නේ දවල් කාලෙ උදවුවක් ඉල්ලගන්න ඕන තරම් ඈයො. මේ වගේ හදිස්සියකට රෑට කෝල් එකක් ගත්තාම පණ දෙන්න කථා කරන උන් පවා නෑ බේතකටවත්. කොටින්ම තමන්ටම කරදරයක් උණත් ජංගමයාගෙන් හදිස්සියට උදවුවක් ගන්නවත් standby තියෙන්න ඕනානේ. අසත්පුරුෂ යාලුවො ඉන්නවානං කරන්න වෙන්නේ උන්ව හලන එක තමා. නැත්තං රෑ තිස්සේ උන් ආතල් ගනිවි කාට කාට හරි වද දීලා.
හැබැයි එහෙමයි කියලා හවස හතෙන් අටෙන් පස්සේ හදිස්සියක් නැතුව මිත්‍රයන්ගෙ නෑදෑ හිතවතුන්ගේ ජීවිතවලට කඩා වැදීම් හරිනෑ emergency කේස් එකක් නැත්නම්. විශේෂයෙන් විවාහක ඈයන්ගෙ. මොකද හැමෝටම පුද්ගලික ජීවිත තියෙනවානේ.
අනිත් කට්ටිය තමා ජොබ් එකෙන් day off ගත්ත මිත්‍රයො. office එකේ ඒව අහල සමහරු පණ යනකම් කෝල් ගන්නවා නිවාඩු දවසට. හැබැයි එහෙම වද දෙන්නො කිසිදාක leave දාපුවාම ජංගමය අතට ගන්නෑ කොහොමටවත්ම. නිවාඩුවක් දාන්නෙ නිවාඩුවක් ඕන හන්දානේ. කෝල් කරලා වාත කළාම එයාලගේ පුද්ගලිකත්වයට ඒකෙන් වෙන්නේ හානියක්. සමහරුන්ගේ නිවාඩු දවස office කෝල් වලටම ගෙවිල යනවා.
තව සමහරු ඉන්නවා රෑ නමයට දහයට එස් එම් එස් එවන. මෙලෝකෙ වැඩකට නෑ. ඒත් එයාලට තනිකම පාලුව යන්න හතර අතේ ඉන්න උන්ට එස් එම් එස් ගහනවා. ඔවුවා ගස් යන වැඩ. මගේ මිත්‍රයෙකුගෙ බිරිඳක් රෑ ආව ඒ වගේ කෙටි පණිවියක් හන්දා ලොකු අඩවුවක් ඇල්ලුවා. හොඳ වෙලාවට ආව sms එක පස්සෙ news alert එකක් උණා. නැත්තං ඒ පවුල එතනින්ම හබස් වෙනවා.
ඕකයි මං කිවුවෙ ජංගමය හොඳයි පාවිච්චිය හොඳ නම්.
October 2016
No comments:
Post a Comment