දළදාවයි මහනුවරයි - Kandy the city

කාලෙකට පස්සේ නුවර පැත්තේ රවුමක් දැම්මා.
අවුරුදු හය හතක ඉඳන් දළදා මාළිගාව මම යන්න අකැමති තැනක්!
(දැන් මහා බෞද්ධ ඈයො මට බැන අඬගාගෙන එන්න එපා). 

මම කාලයක් ඔතනට තනියම ගිහිල්ලත් පැය ගනන් වාඩිගෙන උන්නු කෙනෙක් වෙච්චි, බුද්ධ දර්ශනයේ තියන සරලම කාරණාවක් වෙන සමානාත්මතාවය පවා නැතිම තැනක් කියල කියන්න උදාහරණ එමට. එතනට ගිය වෙලාවේ ඉඳලා දකින්න කරන්න ලැබෙන ඒවායෙන් හිත සන්සුන් වෙන එක කෙසේ වෙතත්, ලේ කෝප වෙලා තමා එන්න වෙන්නේ.
කොහොමින් හරි ගිය කාරණාව කරණකොට ගෙන වෙන කරන්න දෙයක් නොතිබුණ හන්දා මාළිගාවේ තිබුණ කෞතුකාගාරය පැත්තේ පැදකුණු කළා. මොනවා උනත් ඒකේ ඇත්තටම වැදගත් වෙන දේවල් ටිකක් තියෙනවා දැනකියා ගන්න. රාජ සිංහ රජ්ජුරුවන්ගේ එවුව මෙවුවා, ඒ කාලෙ කාන්තාවන්ගෙ පැළඳුම් කාරිය (එ් කාලේ ඉඳල තියෙන්නේ හයේ හතරේ ගෑනු)

පරණ සේරක්කල, කාලන්චිය, උඩලිපත, පේකඩ වගේ පරණ වැදගත් එවුව!
ඒත් කණගාටුව තමා ඒක නඩත්තු නොකිරීම. 

කෞතුකාගාරය නඩත්තු නොකිරීම ඉතිහාසයම මකා දැමිල්ලක් වගේ කියල එතන උන්න එකෙකුටවත් නොතේරීම ගැන ඒ හැටි පුදුම වෙන්න දේකුත් නෑ හැබැයි. 

මොකද 'පිටවීම' කියල බෝඩ් එකක් ගහල තියන තැනින් මනුස්සයෝ පිට වෙන්න හදනකොට,
''ඔතනින් යන්න එපා සිංහල තේරෙන්නැද්ද''කියල අහන අං ආව ඈයො තමා එතන පාලනය කොරන්ඩ උන්නෙ.

 සුදුත් ඇඳගෙනම
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

සේරක්කල-හෙප්පුව
කාලන්චිය - පඩික්කම
උඩළිපත- ලින්ටල්
පේකඩ-කයිරුව

December 2016